KhmerToday

ក្នុងលោកយើងនេះ​ គ្មាននរណាម្នាក់ដែលកើតមកហើយ​ ចង់ក្រនោះទេ​ យើងអាចស្អប់ភាពក្របាន​ តែសូមកុំស្អប់អ្នកក្រអី​ អ្នកណាក៏ចង់មានជីវិតថ្លៃថ្នូរ គ្មានអ្នកណាចង់ដើរសុំទានគេនោះទេ​ ដូច្នេះ​ហើយយើងគួរតែខិតខំប្រឹងប្រែង​ ​​តស៊ូ​ ទើបជីវិតយើងនឹងទទួលបាន​ជោគជ័យ​នៅ​ថ្ងៃ​មុខ។ ដោយឡែក​ ក្មេង​ប្រុស​ម្នាក់​នេះ​ ពិត​ជា​គួរឲ្យ​អាណិត​ខ្លាំង​ណាស់​ ដោយសារតែ​គ្មាន​លទ្ធភាព​ក្នុង​ការ​រៀនសូត្រ​ និង​ទិញ​សម្ភារៈ​សិក្សា​ផងនោះ​ ឪពុក​ក៏បាន​យកខ្សែដេបាវ​មកធ្វើ​ជាកាតាបរៀនអោយកូន​ ចំណែក​ឯ​ក៏បានស្ពាយយកទៅរៀន​ ដែលធ្វើឲ្យ​មិត្ត​ភក្តិ​រួម​ថ្នាក់​ និង​មនុស្ស​ជាច្រើន​ មានក្តី​អាណិត​អាសូរ​ចំពោះ​រូប​ប្អូនជាខ្លាំង។ បេីតាម​រយៈគណនី​ហ្វេសប៊ុក​នារី​ដ៏ស្រស់​ស្អាត​ម្នាក់​ដែលមាន​​ឈ្មោះ​ Sophous Soun បានមានការលេីកឡេីង​ដោយមានការ​រៀបរាប់​យ៉ាង​ដូច្នេះ​ថា​៖​ «ក្មេងទើបតែចូលរៀនក្រោយគេ ព្រោះទើបមកពីថៃវិញ កាតាបនេះ គាត់ប្រាប់ថាឪពុកគាត់ជាអ្នកធ្វើអោយ(ធ្វើពីខ្សែដេរបាវ)​ ទឹកចិត្តឪពុក​ ដើម្បីកូនបានល្អនឹងគេ»។ ក្នុង​នោះដែរ​ ម្ចាស់​គណនី​ខាង​លើ​ ក៏បានមានការ​បញ្ជាក់​បន្ថែម​ទៀត​ថា​៖​ «សូមអធ្យាស្រ័យចំពោះគុណម្ចាស់ និងអ្នកដែលចង់ឧបត្ថម្ភសម្ភារៈសិក្សា​ ដល់ក្មេងប្រុសដែលស្ពាយកាតាប​ ដែលធ្វើពីខ្សែដេរបាវនោះ​ថា​ ពេលនេះនាងខ្ញុំមិនមានលេខទំនាក់ទំនងគ្រួសារគាត់ទេ តែនឹងរកជូននៅថ្ងៃពុធនេះ​ ឬក៏អាចទាក់ទងតាមរយ:នាយិកា​ Sokhary Sor​ ផ្ទាល់។ សូមទាក់ទងមកជាថ្មីផង​ ព្រោះខ្ញុំមើលហើយមិនទាន់បានឆ្លើយតបក៏បាត់ទៅវិញ(ដោយសារមិនមែនfriendនឹងគ្នា)​ សូមអរគុណទុកជាមុនសម្រាប់ទឹកចិត្តសប្បុរសធម៌»។

បងប្អូនប្រជាពលរដ្ឋខ្មែរច្បាស់ជាបានជ្រាបច្បាស់ហើយថា នៅក្នុងពេលថ្មីៗនេះជំងឺគ្រុនឈាមបានកំពុងតែធ្វើការវៃលុក និងរាត្បាតពេញប្រទេ​សមិនថាចាស់មិនថាក្មេង គឺអាចនិងប្រឈមមុខនិងកើតជំងឺមួយនេះខ្លាំងណាស់ ប្រសិនបើមិនមានការប្រុងប្រយ័ត្ន គេងមិនដាក់មុង និងបណ្តោយខ្លួនឲ្យសត្វ មូសខ្លាខាំជាដើម ហើយរយៈ​ពេល ​៦ ​ខែ​ក្នុង​ឆ្នាំ​​នេះ ជំ​ងឺ​គ្រុន​ឈាម​បាន​កើត​ឡើង​ជាង​ ១ ​ម៉ឺន​ករណី ជំងឺគ្រុនឈាមនេះបានសម្លាប់ប្រជាជនរបស់កម្ពុជាច្រើនណាស់គ្រប់ខេត្ត គ្រប់តំបន់ជានពីមួយឆ្នាំទៅមួយឆ្នាំ ។ ជំងឺគ្រុនឈាម គឺជាជំងឺមួយប្រភេទបង្កឡើងដោយវីរុសគ្រុនឈាម ដែលចម្លងតាមរយៈការខាំរបស់មូសខ្លា ។ ជំងឺនេះកើតឡើងលើមនុស្សគ្រប់វ័យ ជាពិសេសក្មេង​អាយុ​តិចជាង ១០ ឆ្នាំ​ ។​ គេសង្គេតឃើញថា ប្រជាជនកម្ពុជាយើងច្រើនបានទទួលឥទ្ធិពលមិនពីជំងឺនេះ ដូច្នេះហើយប្រសិនបើមានសមាជិកគ្រួសារណាកើតជំងឺនេះដាច់ខាតត្រូវយកទៅពេទ្យឲ្យទាន់ពេលវេលា សូមកំបណ្តែតបណ្តោយជៀសវាងមានគ្រោះថ្នាក់ដល់ជីវិត ព្រោះជំងឺនេះប្រើពេលលឿនបំផុត ត្រឹមតែ៣ថ្ងៃទេអាចសម្លាប់មនុស្សបានហើយ។ ជាក់ស្ដែង នៅមុននេះបន្តិច យុវជនម្នាក់ទៀតហើយបានស្លាប់ ដោយសារជំងឺគ្រុនឈាម ដោយប្អូនប្រុសបានទទួលមរណៈភាពកាលពីវេលាម៉ោង​ 8:30​ ព្រឹក​ ថ្ងៃ​សៅរ៍​ ទី១៣​ខែកក្កដា ឆ្នាំ២០១៩ ដោយជំងឺគ្រុនឈាមធ្ងន់ធ្ងរ។ ចំពោះមរណភាពនិស្សិត ភូ ឡុងស្រេង គឺជាការបាត់បង់ធនធានមនុស្សមួយរូបរបស់ខេត្តបន្ទាយមានជ័យ ដែលប្អូនបានព្យាយាមប្រឹងប្រែងរៀនសូត្រកន្លងមករហូតបានបន្តការសិក្សានៅក្នុងរាជធានីភ្នំពេញ។ ជាចុងក្រោយយើងខ្ញុំ សូមចូលរំលែកមរណទុក្ខដ៏ក្រៀមក្រំបំផុតជាមួយគ្រួសារនៃសព និងសូមបួងសួងឱ្យវិញ្ញាណក្ខន្ធរបស់ប្អូនបានទៅកាន់សុគតិភពកុំបីឃ្លៀងឃ្លាតឡើយ។ ដូចនេះ សូមបងប្អូនប្រុងប្រយ័ត្នទាំងអស់គ្នា ខាងក្រោមនេះជារោគសញ្ញា នៃជំងឺគ្រុនឈាម […]

ប្រិយមិត្ដប្រាកដជាបានជ្រាបរួចមកហើយ ចំពោះរឿងរ៉ាវលោក ឧកញ៉ា ឌួង ឆាយ បានដាក់ពាក្យបណ្ដឹង ប្ដឹងទៅកាន់មន្ទីរពេទ្យមួយនៅប្រទេសថៃ ដែលបានធ្វើការព្យាបាលកូនរបស់លោក យ៉ាងធ្វេសប្រហែស បណ្ដាលឲ្យកូនរបស់លោក ទទួលរងសម្ពាធជំងឺរហូតមកដល់សព្វថ្ងៃនេះ។ ជាមួយគ្នានេះផងដែរ ក្នុងខណៈពេលនេះ លោកឧកញ៉ា ឌួង ឆាយ បានកំពុងស្ថិតនៅប្រទេសថៃ ដើម្បីរៀបចំឯកសារជាមួយមេធាវីរបស់លោក ក្នុងការប្ដឹងមន្ទីរពេទ្យនោះ។ ប៉ុន្ដែនៅប្រទេសគេ ការរៀបចំឯកសារមិនមែនមានភាពងាយស្រួលនោះឡើយ ដែលធ្វើឲ្យលោកឧកញ៉ា ឌួង ឆាយ មិនបានសម្រាកគ្រប់គ្រាន់នោះឡើយ។ បែបនេះហើយ ក្រោយពេលឃើញទិដ្ឋភាព លោកឧកញ៉ា ឌួង ឆាយ អង្គុយសម្រាកតាមកន្លែងសាធារណមក ធ្វើឲ្យភរិយារបស់លោកនោះគឺ លោកជំទាវ ម៉ាលីណា បានបង្ហោះសារយ៉ាងដូច្នេះថា៖”គាត់ហត់ណាស់ធ្វេីការរៀបចំឯកសាមុនពេលមកថៃនិងមកដល់ថៃប៉ុន្មានថ្ងៃនេះគឺគាត់អត់បានគេងគ្រប់គ្រាន់ទេត្រូវពិភាក្សាជាមួយពេទ្យនិង មេធាវីដេីម្បីរៀបចំគ្រប់យាំងសំរាប់បីថ្ងៃនេះឡេីងតុលាកា មកប្ដឹងនៅស្រុកគេវាមិនស្រួលទេពិបាកប្រេីពេលអស់ជិតបីឆ្នាំហេីយដេីម្បីប្ដឹងពេទ្យBumrungrat ចំណាយទាំងពេលវេលានិងថវិកាមិនតិចទេនិងគ្រប់យាំងទោះហត់ខ្លាំងប៉ុនណា ធ្វេីជាប៉ាគេដេីម្បីរកយុត្តិធម៌អោយកូនប្រុសត្រូវតែធ្វេីគ្រប់យាំងព្រោះពេទ្យនេះបានទុកកូនខ្ញុំចោល៨ម៉ោងទេីប មានការវះកាត់វាពិតជាសោកស្ដាយណាស់ សំណាងហេីយកូនខ្ញុំឆ្លងផុត ហត់ខ្លាំងណាស់ហេីយគាត់សូម្បីអង្គុយក៏គេងលក់ដែល អង្គុយរងចាំឡេីងតុលាកាកាត់ក្ដីបន្ត សូមវត្ថុសាកសិទ្ធនិងបារមីគ្រប់ទីកន្លែងសូមអោយរឿងក្ដីកូនប្រុសនាងខ្ញុំបានទទួលភាពយុត្តិធម៌នៅកំហុសដែលមន្ទីរពេទ្យមានកំហុសចំពោះកូន”។