រូបភាព​ពេលដែលសម្តេចអគ្គមហាសេនាបតីតេជោហ៊ុន សែនអញ្ជើញមកដល់ទីតាំងដែលអគារបានបាក់រលំ​ កាលពីរំលងអាធ្រា្រតយប់មិញ(មានវីដេអូ)

សង្គម

សម្តេចតេជោ ហ៊ុន សែន នាយករដ្ឋមន្រ្តីអញ្ជើញចុះត្រួតពិនិត្យផ្ទាល់ដល់ទីតាំងកន្លែងរលំអគារ នៅក្នុងខេត្តព្រះសីហនុ រំលងអាធ្រា្រត ថ្ងៃទី២៤ ខែមិថុនា ឆ្នាំ២០១៩ រហូតដល់នៅម៉ោងប្រមាណ ៣:៣០យប់ ឆ្លងចូលថ្ងៃទី ២៤ មិថុនា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញទៅសម្រាកហើយ បន្ទាប់ពីបានអញ្ជើញធ្វើដំណើរតាមរថយន្តមកកាន់ទីតាំងអាគារ៧ជាន់នៅខេត្តព្រះសីហនុទាំងយប់ ក្រោយពីបានអញ្ជើញវិលត្រឡប់មកពីចូលរួមកិច្ចប្រជុំកំពូលអាស៊ានលើកទី ៣៤ នៅទីក្រុងបាងកក ប្រទេសថៃកាលពីរសៀលថ្ងៃម្សិលមិញ។ ការអញ្ជើញមកទាំងយប់របស់ សម្តេចតេជោ គឺដើម្បីផ្តល់កម្លាំងចិត្តដល់ក្រុមគ្រួសារជនរងគ្រោះ និងលើកទឹកចិត្តដល់បងប្អូនដែលកំពុងចូលរួមនៅក្នុងបេសកកម្មរុករកអ្នករងគ្រោះដោយសារអាគារបាក់រលំសង្កត់កាលពីថ្ងៃទី២២ មិថុនា កន្លងទៅនេះ នៅក្នុងខេត្តព្រះសីហនុ។

ក្នុងនាម សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា គឺសម្តេចមានការសោកស្តាយយ៉ាងខ្លាំងចំពោះគ្រោះថ្នាក់នេះ ហើយក៏បានចូលរួមរំលែកទុក្ខជាមួយគ្រួសារជនរងគ្រោះ និងគ្រួសារនៃសព។

ទន្ទឹមនឹងនេះ សម្តេចតេជោ បានអំពាវនាវដល់សប្បុរសជនចូលរួមវិភាគទានជួយដល់គ្រួសារជនរងគ្រោះផងដែរ។ ចំពោះព័ត៌មានបន្ថែម យើងនឹងជម្រាបជូននៅថ្ងៃស្អែក៕

សូមទស្សនាវីដេអូ សម្តេចតេជោ ហ៊ុន សែន នាយករដ្ឋមន្រ្តីបានអញ្ជើញចុះត្រួតពិនិត្យផ្ទាល់ដល់ទីតាំងកន្លែងរលំអគារ នៅក្នុងខេត្តព្រះសីហនុ៕

ប្រភពរូបភាព ៖ Ja Dance